Na Mariam Mwayela. 

Naibu Makamu Mkuu wa Utawala wa Chuo Kikuu cha Sokoine cha Kilimo (SUA), Prof. Maulid Walad Mwatawala amesema SUA ina Mkakati wa kuhakikisha Matokeo yaTafiti zote zinazofanywa na watafiti zinawafikia kwa wakati. 

Akizungumzia kuhusu maelekezo ya Makamu wa Rais Mhe. Samia Suluhu Hassan alipokuwa akifungua Maonesho ya Nane Nane Kitaifa katika viwanja vya Nyakabindi Mkoani Simiyu Prof.
 
Mwatawala amesema kuwa SUA imeanzasha stashahada mpya ya Tejnolojia na Uzalishaji wa Mbegu (Diploma in Seed Technology and Production) ambayo ni maalumu kwa Maafisa Ugani ili kuwaongezea uwezo katika masuala ya mbegu. 

“Stashahada hii itasaidia Maafisa Ugani kusambaza matokeo ya tafiti mbalimbali kwa wakulima ili kuwezakusaidia wakulima hao kulima kilimo chenye tija”, alisema Prof. Mwatawala 

Aidha aliongeza kuwa mbali na kuanzishwa kwa stashahada hiyo inayotarajiwa kuanza mwaka huu pia SUA imekuwa ikifanya mafunzo mbalimbali kuhusu mbegu kwa Maafisa ugani na wakulima kutoka katika Halmashauri naTaasisi mbalimbali nchini. 

“Mpaka sasa Halmashauri na Asasi au Taasisi za binafsi zimekuwa zikileta Maafisa Ugani ama wakulima kwa ajili ya mafunzo mbalimbali juu ya ubebeshaji miche ya matunda na jinsi ya kusimamia kitalu cha miche na Taasisi ya Elimu ya Kujiendeleza (ICE) imekuwa ikiandaa mafunzo mbalimbali kutokana na uhitaji na kwa sasa chuo kiko katika maandalizi ya kuandaa kalenda ya Mafunzo kwa mwaka mzima itakayokuwa inasambazwa kwa wadau mbalimbali ili kuweza kuja na kujifunza.” Alisema Prof. Mwatawala. 

Kuhusu suala la kutumia Kilimo cha kunyunyizia na kuachana na Kilimo cha umwagiliaji ili kupunguza gharama za kutengeneza Miundombinu Prof. Mwatawala amesema SUA ina Shahada ya Masuala ya usimamiaji wa Rasilimali Maji hivyo kuna haja ya kuangalia ni namna gani watabadilisha ilikuweza kusaidia kutoka katika Kilimo hicho cha umwagiliaji. 

Mapema leo Mkoani Simiyu Makamu wa Rais ya Jamhuri ya Muungano wa Tanzania Mhe. Samia Suluhu Hassan amewaelekeza watafiti wa Sekta ya Kilimo, Ufugaji na Uvuvi kuhakikisha wanasambaza matokeo ya tafiti wanazofanya kwa Maafisa Ugani na wadau ili ziweze kuwafikia wakulima. 

“Naelekeza watafiti watoe matokeo ya tafiti zao kwa maafisa Ugani ili ziweze kuwafikia wakulima na kunufaika na tafiti hizo,”amesema Mhe. Samia 

Aidha ameiagiza Wizara ya Kilimo kutoa elimu ya utunzaji na uendeshaji endelevu wa miundombinu ya umwagiliaji hususan kujikita katika unyunyizaji na si umwagiliaji ili kupunguza gharama kubwa inayohitajika katika ujenzi wa miundombinu ya umwagiliaji pamoja na kuelekeza kila Mkoa, Wilaya na Halmashauri kutekeleza agizo la kupanda miti na kuhakikisha inamea.
 
Chuo Kikuu cha Sokoine kinashiriki Maonesho ya NaneNane Kanda ya Mashariki Mkoani Morogoro na Kitaifa Mkoani Simiyu ambapo Kauli Mbiu ya mwaka huu ni “Kwa Maendeleo ya Kilimo, Mifugo na Uvuvi chagua Viongozi Bora 2020”.

Mtaalam wa Maabara ya Udongo katika Idara ya Sayansi za Udongo na Jiolojia, Stevenson Pelegy akitoa elimu ya jinsi ya kupima udongo kwa wanafunzi wa Shule ya Sekondari Dutwa, Mkoani Simiyu walipotembelea banda la SUA.

Prof. Gerald Misinzo akietoa maelekezo kuhusu udhibiti wa panya kwa kutumia mkojo wa panya katika banda la Chuo Kikuu cha Sokoine cha Kilimo (SUA) wakati wa Maonesho ya Nane Nane, Viwanja vya Nyakabindi Mkoani Simiyu.

Baadhi ya Washiriki kutoka SUA katika Maonesho ya NaneNane Mkoani Simiyu wakiwa katika picha ya pamoja katika banda lao.
Napenda kuvipongeza vyombo vya ulinzi na usalama kwa kugundua kuwa Kaimu Mkurugenzi wa Halmashauri ya Wilaya ya Rufiji Bw. Brighton Kilimba alitoa taarifa za uongo kwa Rais wa Jamhuri ya Muungano wa Tanzania Mheshimiwa John Magufuli kuwa gari ya wagonjwa ya Kituo cha Afya Ikwiriri haiwezi kutembea kwa sababu ni mbovu na inahitaji matengenezo makubwa.

Nikiwa mtumishi wa Wilaya hii niliumia sana kwa sababu nilikuwa najua ni uongo wa mchana kweupe na niliumia zaidi kwa kuwa aliyekuwa anadanganywa ni Rais wangu ninayempenda Dk. John Pombe Magufuli.

Hata hivyo nilifurahi muda mfupi baadaye nilipomuona kwenye mitandao ya kijamii Bw. Brighton Eliud Kilimba, Kaimu Mkurugenzi wa Halmashauri ya Wilaya ya Rufiji akiwa kwenye pingu na bango linaonesha anatuhumiwa kumdanganya Rais. Nikasema kweli vyombo vya ulinzi na usalama sasa hivi vipo makini na havijalala.

Ukweli ni kwamba gari ya wagonjwa ya Kituo cha Afya Ikwiriri ipo na viongozi waliamua tu kuipaki wakati wananchi wanahangaika kupeleka wagonjwa wao Jijini Dar es Salaam pale wanapohitaji matibabu ya rufaa. 

Gari hilo ni zuri, ni aina ya Toyota Landcruizer namba STL 940, ni gari imara na limekuwa msaada mkubwa sana kwa wananchi kabla viongozi hawajaamua kulipaki na kuwaacha Wananchi wanahangaika kukodi magari kwa gharama kubwa na wakati mwingine kupanda bodaboda, ni jambo la kusikitisha sana kwa viongozi kutotekeleza wajibu wao kiasi hiki.

Kumbe siku ile Mheshimiwa Rais alipopita Rufiji na kulalamikiwa na wananchi juu ya ukosefu wa gari la wagonjwa, gari lilikuwepo na lilikuwa limetelekezwa katika Kituo cha Afya Ikwiriri likiwa halina tatizo lolote zaidi ya kuhitaji kufanyiwa service ya kawaida ya kubadilishwa oil na pengine kubadili matairi yake.

Kaimu Mkurugenzi Bw. Kilimba alipokuwa anamdanganya Rais kuwa gari ni bovu sana na haliwezi kutembea, Rais kwa machale akaamua kuagiza gari hilo lipelekwe TEMESA mara moja, nikajua hapa siri lazima itafichuka. 

Kwa kuwa gari halikuwa gereji kama Bw. Kilimba alivyosema hadharani, alichofanya Bw. Kilimba ni kupiga simu na kuagiza gari hilo lipelekwe gereji mara moja ili maafisa watakapofuatilia wakute lipo gereji, jamaa wa gereji waliposikia hivyo machale yakawacheza wakakataa kulipokea na ndipo maafisa wakagundua kuwa gari halikuwa gereji ambako Rais aliambiwa na halikuwa bovu kama Rais alivyoambiwa. Ni michezo tu ya viongozi.

Navipongeza sana vyombo vya ulinzi na usalama kwa kugundua mchezo huu, na kisha kumkamata na kumweka ndani Bw. Kilimba ambaye ni Afisa Kilimo wa Wilaya.

Aidha, nampongeza Rais Magufuli kwa hatua alizochukua siku ileile hata kabla hajafika Dar es Salaam kwa kumtumbua Mkuu wa Wilaya ya Rufiji Bw. Juma Njwayo ambaye ndio alikuwa anaongoza kutoa taarifa za uongo kuhusu ubovu wa magari. Hawa wote ni tatizo kubwa sana hapa Rufiji na yapo mengi ya hovyo wanayafanya, endapo uchunguzi wa kina utafanyika yatabainika vizuri.

Naamini hili litakuwa funzo kwa viongozi wengine kuwajibika ipasavyo katika kuwatumikiwa wananchi kama ambavyo Mheshimiwa Rais Magufuli anasema kila siku, kuwatumikia wanyonge vizuri badala ya kuwaacha wanahangaika wakati Serikali inajitahidi kuhakikisha inapeleka huduma kwa wananchi.

Msimamo wa Mheshimiwa Rais wa kuagiza gari hilo litengenezwe ndani ya wiki 1 na wakati gari linatengenezwa gari la Mkurugenzi ndilo litumike kubeba wagonjwa ni ujumbe tosha kuwa sisi watumishi ni lazima tuweke maslahi ya wananchi mbele na tuwatumikie kama ambavyo tunapaswa kufanya.

Asante Mheshimiwa Rais kwa uongozi wako makini unaojali watu hasa wanyonge.

Ni mimi Mtumishi
Halmashauri ya Wilaya ya Rufiji.
02 Agosti, 2020.
Na Chalila Kibuda, Michuzi TV

Kaimu Mkurugenzi Mkuu wa Mamlaka ya Dawa na Vifaa Tiba (TMDA) Adam Fimbo  amesema katika kwenda na dhamira ya kuwa nchi ya viwanda,TMDA kwa kuhamasisha wadau tayari viwanda 16 vimeanzishwa na viko katika hatua mbalimbali ya kuanza kuzalisha dawa,vifaa tiba pamoja na vitendanishi.

Shirika la Afya Duniani (WHO) baada ya  Tanzania kuwa nchi ya kwanza Afrika katika udhibiti wa wa Dawa , Vifaa  Tiba na Vitendanishi kwa  kufikia ngazi  ya tatu kati ya nne za udhibiti wa dawa kupitia Mamlaka hiyo.

Fimbo amesema kuwa wamekuwa karibu na  wadau wanaoanzisha viwanda vya uzalishaji wa dawa,Vifaa tiba pamoja na vitendanishi wanaratibu kwa kila hatua.

 Fimbo aliyasema hayo wakati akizungumza katika kikao kazi cha Uhamasishaji wa Waandishi wa habari kuhusu usimamizi wa Sheria ya Dawa na Vifaa Tiba  kutoka Mikoa ya Morogoro,Dar es Salaam na Pwani kilichofanyika mkoani Morogoro na kusisitiza lengo ni kufikia hatua malengo katika utoaji wa huduma.u

Amesema kuwa hatua ya mafanikio hayo inayotambuliwa na WHO ilifikiwa mwaka 2018 na kuifanya Tanzania kuwa moja ya nchi za mifano  Dunia huku nchi mbalimbali zikija kujifumza mafanikio hayozikiwemo Uganda,Rwanda,Zambia,Sudan na Botswana na nyingine kutoka nchi za Ulaya.

Naye Meneja wa Huduma za Sheria,Iskari Fute,akijibu maswali  ya Waandishi wa habari baada ya kuwasilisha mada ya sheria ,Muundo na Wigo wa Sheria ya TMDA,alisema wamefanikiwa  kuwabaini watuhumiwa 147 hapa nchini wanaokiuka sheria za mamlaka hizo ambao kati yao 32 wametozwa faini na wengine 32 kesi zao bado zinaendelea mahakamani huku 82 wakiendelea na uchunguzi katika vituo mbalimbali  hapa nchini katika kipindi  cha mwaka mmoja uliopita.

Amesema watuhumiwa 32 mpaka sasa wameshakiri makosa yao na kulipa faini jumla ya shilingi milioni tano huku wakihaidi kufuata sheria za mamlaka hiyo.

Amesema kuwa watuhumiwa hao walibainika baada ya TMDA kufanya kaguzi mbalimbali za kushtukiza katika maeneo tofauti ikiwa ni lengo la mamlaka katika kulinda afya ya jamii ili sheria ya Dawa na Vifaa Tiba sura ya 219 iweze kufuatwa.

Kwa upande wake akifungua kikao kazi hicho,Katibu Tawala Msaidizi mkoa wa Morogoro,Anza Ndossa,aliwataka waandishi wa habari nchini kuhakikisha wanatoa mchango wao kuisaidia TMDA ili iweze kufikia malengo yake ya kutoa huduma bora.

Hata hivyo aliwatahadharisha wafanyabiashara wanaojihusisha na Usambazaji wa Dawa,Vifaa  Tiba na Vitendanishi kufuata taratibu na sheria zilizowekwa kutokana na uwepo wa wimbi kubwa la watu wanaoendesha shughuli hizo mitaani bila kuwa na kibali toka TMDA.
 Katibu Tawala Msaidizi wa Mkoa wa Morogoro,Anza Ndossa akizungumza wakati akifungua mkutano wa wa waandishi wa habari ulioandaliwa na Mamlaka ya Dawa na Vifaa Tiba TMDA uliofanyika mkoani humo.
 Kaimu Mkurugenzi Mkuu wa TMDA,Adam Fimbo akizungumza na waandishi katika mkutano wa kuwajengea uwezo uliofanyika mkoani Morogoro.(Picha zote na Emmanuel Massaka wa Michuzi Tv)
 
 Kaimu Mkurugenzi Mkuu wa TMDA Adam Fimbo akifafanua jambo kwa waandishi wa habari katika mkutano wa kuwajengea uwezo uliofanyika mkoani Morogoro.
 Meneja wa Elimu ya Umma na Mawasiliano wa TMDA  Gaudensia Semwanza akitoa maelezo katika mkutano wa waandishi uliofanyika mkoani Morogoro
 Sehemu ya waandishi wa habari wakiwa katika mkutano huo uliofanyika mkoani Morogoro(Picha zote na Emmanuel Massaka wa Michuzi Tv)
Picha ya pamoja
Na Shamimu Nyaki – WHUSM Dodoma.

Rais wa Jamhuri ya Muungano wa Tanzania Dkt.John Pombe Magufuli ametangaza rasmi  kuwa kuanzia leo Julai 29, 2020 Uwanja wa Taifa Jijini Dar es Salaam utaitwa Uwanja wa  Uwanja wa Benjamin Mkapa (Benjamin Mkapa Stadium) ili kuendelea kumuenzi Rais huyo wa  awamu ya Tatu.

Rais Magufuli ametoa tamko hilo katika hafla ya kuaga mwili wa aliyekuwa rais wa serikali ya awamu ya tatu Hayati Benjamin William Mkapa iliyofanyika katika Uwanja wa Uhuru  Dar es Salaam ambapo alisisitiza Mzee Mkapa alikuwa na mchango mkubwa katika sekta ya  michezo nchini hivyo taifa tunapaswa kumuenzi .

“Mzee Mkapa aliujenga uwanja mkubwa wa michezo na alikua hapendi vitu viitwe kwa jina  lake, lakini kwakuwa kwa sasa amelala na hawezi kuniadhibu na kwakua nimepokea meseji  nyingi nimekubali na sasa natamka rasmi uwanja ule uitwe Mkapa Stadium,”Dkt.Magufuli.

Dkt.Magufuli ameongeza katika Michezo Mzee Mkapa alikuwa anapenda sana michezo ndio  maana amefanya mambo mengi sana katika sekta hiyo,vile vile alikua ni Shabiki wa Timu ya Yanga japo hakuwahi kuonyesha hadharani hivyo tunapaswa kumkumbuka na kutunza  kumbukumbu hizo.

Hata hivyo Uwanja wa Taifa Dar es Salaam (Mkapa Stadium) ni miongoni mwa viwanja  vikubwa barani Afrika ambavyo vimekidhi vigezo vyote vilivyoanishwa na Shirikisho la  Soka Duniani FIFA na una uwezo wa kuingiza mmashabiki takriban elfu sitini.

Hivi karibuni watu wengi walionyesha nia yao ya kuomba uwanja huo uitwe jina la  Mzee Mkapa kama njia ya kumuenzi Rais huyo mstaafu ambayo leo Mhe.Rais ameitimiza nia hiyo.

Pamoja Mheshimiwa Rais Magufuli aliendelea kusisitiza kuwa Mzee Mkapa katika sekta ya Sanaa napo ameacha alama kwani ndiye aliyeanzisha Chama cha Hakimiliki na Hakishiriki (COSOTA)  ambayo kwa sasa ni taasisi rasmi lengo ni kuwasaidia wasanii kupata haki za kazi zao na katika sekta ya Habari ndiye muasisi wa Vitengo vya Habari na Mawasiliano katika wizara.

Naye mmoja wa wananchi na shabiki wa mpira nchini Bw.Athuman Ugassa amepongeza uamuzi  Mheshimiwa Rais Magufuli wa kuupa uwanja huo jina lake kwani uwanja huo ni alama ya  mchango wake katika kuendeleza sekta ya michezo nchini.
RAIS wa Jamuhuri ya Muungano wa Tanzania Mhe.Dkt. John Pombe Magufuli akitowa heshima ya mwisho kwa mwili wa Rais Mstaaf wa Awamu ya Tatu wa Tanzania Benjamin William Mkapa, wakati wa hafla ya kuuaga mwili wa marehemu Kitaifa katika Uwanja wa Taifa Jijini Dar es Salaam 
MAKAMU wa Rais wa Jamuhuri ya Muungano wa Tanzania Mhe.Samia Suluhu Hassan , akitowa heshima ya mwisho kwa mwili wa Rais Mstaaf wa Awamu ya Tatu wa Tanzania Benjamin William Mkapa, wakati wa hafla ya kuuaga mwili wa marehemu Kitaifa katika Uwanja wa Taifa Jijini Dar es Salaam 
RAIS wa Serikali ya Mapinduzi Zanzibar Mhe.Dk. Ali Mohamed Shein, akitowa hashima ya mwisho kwa Rais Mstaaf wa Awamu ya Tatu wa Jamuhuri ya Muungano wa Tanzania Benjamin William Mkapa, wakati wa hafla ya Kitaifa ya kuuaga mwili wa marehemu katika Uwanja wa Taifa Jijini Dar es Salaam leo 28/7/2020.(Picha na Ikulu)
Rais wa Jamhuri ya Muungano wa Tanzania Mheshimiwa Dkt. John Pombe Magufuli akifuta machozi wakati akielezea namna alivyomjua Rais Mstaafu wa Awamu ya Tatu Marehemu Benjamin William Mkapa wakati akihutubia katika uwanja wa Uhuru jijini Dar es Salaam.
RAIS wa Jamuhuri ya Muungano wa Tanzania Mhe. Dkt. John Pombe Magufuli akihutubia katika hafla ya Kitaifa ya kuuaga mwili wa marehemu Rais Mstaaf wa Awamu ya Tatu wa Jamuhuri ya Muungano wa Tanzania Benjamin William Mkapa, iliofanyika katika Uwanja wa Taifa Jijini Dar es Salaam
BAADHI ya Mabalozi wanaowakilisha Nchi zao Nchini Tanzania wakifuatilia hutuba ya Rais wa Jamuhuri ya Muungano wa Tanzania Mhe.Dkt. John Pombe Magufuli (hayupo pichani) akihutubia katika hafla ya Kitaifa ya kuuaga mwili wa Marehemu Rais Mstaaf wa Awamu ya Tatu wa Tanzania Benjamin William Mkapa, katika Uwanja wa Taifa Jijini Dar es Salaam 
MJANE wa Marehemu Rais Mstaaf wa Awamu ya Tatu wa Tanzania Benjamin William Mkapa Mama Anna Mkapa akitowa heshima yake ya mwisho kwa mwili wa marehemu wakati wa hafla ya Kitaiga ya kuuaga mwili huo iliofanyika katika Uwanja wa Taifa Jijini Dar es Salaam
BAADHI ya Wananchi wa kutoka maeneo mbalimbali Nchini Tanzania wakishiriki katika hafla ya kuuaga Mwili wa Hayati Rais Mstaaf wa Awamu ya Tatu wa Jamuhuri ya Muungano wa Tanzania Benjamin Willian Mkapa, iliofanyika Kitaifa leo katika Uwanja wa Uhuru Jijini Dar es Salaam
MSAFARA wa gari maalum ya JWTZ ikiwa imeubeba Mwili wa Rais Mstaaf wa Awamu ya Tatu wa Jamuhuri ya Muungano wa Tanzania Hayati Benjamin William Mkapoa ukiwasili katika Uwanja wa Taifa Jijini Dar es Salaam, kwa ajili ya kutowa heshema ya mwishi kwa Viongozi wa Kitaifa na Wageni waalikwa.
MKE wa Marehemu Rais Mstaaf wa Awamu ya Tatu wa Jamuhuri ya Muungano wa Tanzania Mzee Benjamin Willian Mkapa, Mama Anna Mkapa (aliyejivunikakitambaa cheusi) akiwa na Wanafamilia baada ya kuwasili katika Uwanja wa Taifa Jijini Dar es Salaam, katika hafla ya kutowa heshima za mwisho kwa Viongozi Wakuu na wageni kutoka nja ya Tanzania
RAIS wa Zanzibar na Mwenyekiti wa Baraza la Mapinduzi Mhe.Dk. Ali Mohamed Shein, akiwa na Viongozi katika jukwaa kuu wakati ukiwasili msafara uliochukua mwili wa Marehemu Mzee Benjamin William Mkapa katika Uwanja wa Taifa Jijini Dar es Salaam kwa ajili ya hafla kuuanga kwa Viongozi wa Kitaifa (kushoto kwa Rais) Makamu wa Rais wa Jamuhuri ya Muungano wa Tanzania Mhe. Samia Suluhu Hassan na (kulia kwa Rais) Rais Mstaaf wa Tanzania Mhe. Jakaya Mrisho Kikwete na Rais Mstaaf wa Tanzania Mzee Ali Hassan Mwinyi, wakiwa wamesimama wakati wa kuwasili kwa msafara huo
RAIS wa Jamuhuri ya Muungano wa Tanzania Mhe.Dkt. John Pombe Magufuli (kulia kwa Rais) Makamu wa Rais wa Jamuhuri ya Muungano wa Tanzania Mhe. Samia Suluhu Hassan , Rais wa Zanzibar na Mwenyekiti wa Baraza la Mapinduzi Mhe.Dk. Ali Mohamed Shein na Rais Mstaaf wa Tanzania Awamu ya Nne Mhe Jakaya Mrisho Kikwete, wakiwa kjatika jukwaa kuu wakati ukipigwa wimbo wa Taifa, katika hafla ya Kitaifa ya kuuaga Mwili wa Marehemu Rais wa Awamu ya Tatu wa Jamuhuri ya Muungano wa Tanzania Benjamin William Mkapa, katika Uwanja wa Taifa Jijini Dar es Salaam leo 
WAGENI Waalikwa na Wananchi na Viongozi wa Serikali na JWTZ wakitowa salute wakati ukipigwa wimbo wa Taifa katika Uwanja wa Taifa Jijini Da es Salaam baada ya kuwasili kwa mwili wa Marehemu Rais Mstaaf wa Awamu ya Tatu wa Jamuhuri ya Muungano wa Tanzania.Benjamin William Mkapa, wakati wa hafla ya Kitaifa kwa Viongozi Wakuu kuuaga mwili wa mnarehemu 
BAADHI ya Mawaziri wa SMZ na SMT na wageni waalikwa wakiwa wamesimama wakati ukipigwa wimbo wa Taifa katika hafla ya kuuanga Mwili wa Rais Mstaaf wa Awamu ya Tatu wa Jamuhuri ya Muungano ya Tanzania Benjamin William Mkapa
VIONGOZI wa Jukwaa Kuu wakiwa wamesimama wakati ukipigwa wimbo wa Taifa katika hafla ya Kitaifa ya kuuaga mwili wa Marehemu Rais Mstaaf wa Awamu ya Tatu wa Jamuhuri ya Muunganio wa Tanzania Mhe. Benjamin William Mkapa, katika Uwanja wa Taifa Jijini Dar es Salaam, wa kwanza kulia Waziri Mkuu Mhe. Kassim Majaliwa (kulia kwa Waziri Mkuu) Waziri Mkuu wa Burundi. Jenerali Alain Guillaume Bunyoni , Makamu Mwenyekiti wa CCM Tanzania Bara. Mhe. Philip Mangula na Waziri Mkuu Mstaaf Edward Lowasa
BAADHI ya Viongozi wa Serikali na Mawaziri wakifuatilia hutuba ya Rais wa Jamuhuri ya Muungano wa Tanzania Mhe. John Pombe Magufuli(hayupo pichani ) akihutubia katika hafla ya Kitaifa ya kuuaga mwili wa Marehemu Rais Mstaaf wa Tanzania Awamu ya Tatu Benjamin William Mkapa, iliofanyika katika Uwanja wa Taifa Jijini Dar es Salaam 
WAZIRI Mkuu wa Jamuhuri ya Muungano wa Tanzania Mhe. Kassim Majaliwa Mwenyekiti wa Kamati ya Mazishi ya Rais Mstaaf wa Tanzania wa Awamu ya Tatu Marehemu Benjamin Mkapa, akizungumza kabla ya kumkaribisha mgeni rasmin Rais wa Jamuhuri ya Muungano wa Tanzania Mhe. Dkt. John Pombe Magufuli kuwahutubia Wananchi katika Uwanja wa Taifa Jijini Dar es Salaam leo 28/7/2020, katika hafla ya Kitaifa ya kuuanga mwili wa marehemu
WAZIRI Mkuu wa Burundi Jenerali Alain Guillaume Bunyoni, akizungumza na kutowa salamu za Nchi yake wakati wa hafla hiyo ya Kitaifa ya kuuanga mwili wa Marehemu Rais Mstaaf wa Awamu ya Tatu wa Tanzania Benjamin Willian Mkapa, iliofanyika katika uwanja wa Taifa Jijini Dar es Salaam
KIONGOZI wa Mabalozi Nchini Tanzania Balozi wa Comoro Nchini Tanzania akitowa salamu wakati wa hafla ya kuuaga mnwili wa Marehemu Rais Mstaaf wa Awamu ya Tatu Tanzania. Benjamin William Mkapa, katika Uwanja wa Taifa Jijini Dar es Salaam
Rais wa Jamhuri ya Muungano wa Tanzania Mheshimiwa Dkt. John Pombe Magufuli akifuta machozi wakati akielezea namna alivyomjua Rais Mstaafu wa Awamu ya Tatu Marehemu Benjamin William Mkapa wakati akihutubia katika uwanja wa Uhuru jijini Dar es Salaam.