TRENDING NOW





Recent Post Recent Post
View More

Kajunason at 0
Dar es Salaam. Waandishi wa Habari wametakiwa kujithamini kwa kuzingatia mwonekano, mwenendo na weledi katika utekelezaji wa majukumu yao, kwa kuwa namna wanavyojitambulisha inaweza kujenga au kupunguza imani ya vyanzo vya habari na jamii kwa ujumla.

Wito huo umetolewa leo, Novemba 11, 2026, na Kaimu Mkurugenzi Mkuu wa Bodi ya Ithibati ya Waandishi wa Habari (JAB), Wakili Patrick Anthony Kipangula, wakati akihitimisha mafunzo ya siku tatu kwa Waandishi wa Habari, watangazaji, waandaaji wa vipindi, wapiga picha na wahariri kutoka Azam Media.

Wakili Kipangula amesema mwonekano wa Mwandishi wa Habari si suala la mavazi pekee, bali ni sehemu ya utambulisho wa kitaaluma inayoweza kuathiri namna anavyopokelewa, kusikilizwa na kuaminiwa na vyanzo vya habari.

“Unapozungumza na chanzo chako cha habari, mwonekano wako unapaswa kumpa sababu ya kukusikiliza hata kabla hujaanza kuzungumza. Hali hiyo humjengea imani kuwa unauelewa wa jambo unalotaka kulizungumzia,” amesema Wakili Kipangula.

Amesisitiza kuwa Mwandishi wa Habari anapaswa kuvaa kulingana na mazingira na hadhi ya tukio analokwenda kuliripoti, hususan shughuli rasmi zinazohusisha viongozi wakuu wa Serikali na wageni wengine mashuhuri.

“Tunapozungumzia kujithamini kama Waandishi wa Habari, ni pamoja na kuzingatia tunavaa nini na tunakwenda wapi. Unapokwenda kwenye tukio maalumu linalohusisha viongozi wakuu, hakikisha unavaa kulingana na shughuli hiyo. Usivae kama unakwenda kuripoti shughuli za michezo uwanjani,” amesisitiza.

Ameeleza kuwa mwonekano usioendana na mazingira ya tukio unaweza kumfanya Mwandishi wa Habari ashindwe kutambulika kwa urahisi kuwa ni miongoni mwa watu wanaotekeleza majukumu rasmi, hali inayoweza kuathiri upatikanaji wa taarifa na utekelezaji wa kazi yake.

Katika hatua nyingine, Wakili Kipangula amezitaka taasisi za umma na binafsi kuwapa ushirikiano Waandishi wa Habari wanaofika katika taasisi hizo kwa ajili ya kukusanya taarifa, ili kuwawezesha kuandaa habari sahihi na zenye manufaa kwa umma.

Amesema Kifungu cha 7(1) cha Sheria ya Huduma za Habari kinatambua haki ya kukusanya na kusambaza habari na taarifa kwa mujibu wa sheria, hivyo ushirikiano kutoka kwa taasisi na vyanzo vya habari ni muhimu katika kuhakikisha jamii inapata taarifa sahihi, zilizothibitishwa na zenye maslahi mapana kwa Taifa.

“Waandishi wanapofika kukusanya taarifa kwa ajili ya kuzichakata na kuzisambaza kwa maslahi ya umma, ni vyema kuwapa ushirikiano ili waweze kuandaa na kuchapisha habari sahihi kwa manufaa ya nchi,” amesema.

Aidha, amewataka Waandishi wa Habari kujenga utamaduni wa kuisoma na kuielewa Katiba ya Jamhuri ya Muungano wa Tanzania pamoja na sheria mbalimbali zinazohusu sekta ya habari, ili wafahamu haki, wajibu na mipaka yao wakati wa kutekeleza majukumu yao.

Mafunzo hayo ya siku tatu yaliandaliwa na JAB kwa lengo la kuwaongezea washiriki uelewa kuhusu Sheria ya Huduma za Habari, kanuni, maadili, miiko na misingi ya taaluma, ili waweze kutekeleza majukumu yao kwa weledi, uwajibikaji na kwa kuzingatia maslahi ya umma.

Mafunzo hayo ni sehemu ya utekelezaji wa majukumu ya Bodi ya kuimarisha taaluma ya uandishi wa habari nchini kwa kujenga uwezo na kuhamasisha uzingatiaji wa sheria na maadili miongoni mwa Waandishi wa Habari.

Continue reading

Kajunason at 0
Makamu wa Kwanza wa Rais wa Zanzibar, Mhe. Othman Masoud Othman (wapili kulia), akipokea mkoba wenye machapisho yanayohusu utekelezaji wa majukumu ya Mfuko wa PSSSF, kutoka kwa Meneja wa Mfuko huo Ofisi ya Zanzibar, Bi. Mariam Saleh, alipotembelea Banda la PSSSF kwenye Maonesho yanayofanyika sambamba na Mkutano wa 11 wa Mtandao wa Wasimamizi wa Rasilimaliwatu katika Taasisi za Umma Barani Afrika ( APS-HRMnet) mjini Unguja, Zanzibar Novemba 10, 2026.

Meneja Rasilimali Watu Bi. Gloria Mboya kulia, akiwa na Meneja wa Ofisi ya PSSSF Zanzibar, Bi. Mariam Saleh, wakitoa huduma kwa mwanachama katika banda la Maonesho ya Mkutano wa 11 wa APS-HRMnet (11th APS-HRMnet Annual Conference Delegates) unaoendelea Verde Hoteli, Zanzibar.

Meneja wa Utawala Bi. Fatma Chondo wa kwanza kulia akiwa na Afisa utekelezaji Bi. Zakia Mohamed, wakitoa huduma kwa wanachama wakati wa Maonesho ya Mkutano wa 11wa Mwaka wa APS-HRMnet (11th APS-HRMnet Annual Conference Delegates) Verde Hotel, Zanzibar. Novemba 10,2026.

Makamu wa Kwanza wa Rais, Mhe.Othman Masoud Othman, akimsikiliza Meneja wa Ofisi ya Zanzibar ya Mfuko wa Hifadhi ya Jamii kwa Watumishi wa Umma (PSSSF) Bi. Mariam Saleh alipotembelea banda la mfuko huo kwenye Maonesho ya Mkutano wa 11 wa Mwaka wa APS-HRMnet (11th APS-HRMnet Annual Conference Delegates) Hotel Verde, Zanzibar. Novemba 10, 2026.

Na Mwandishi Wetu, Zanzibar.

Makamu wa Kwanza wa Rais wa Zanzibar, Mhe. Othman Masoud Othman, ameipongeza PSSSF kwa matumizi ya kidijitali katika kutoa huduma, amesema kwamba imechangia kwa kiasi kikubwa kurahisisha upatikanaji wa huduma kwa wanachama na kuwaondolea usumbufu wa kufika mara kwa mara katika ofisi za Mfuko kufuata huduma.

Mhe. Othman ameyasema hayo leo, Novemba 10, 2026, alipotembelea banda la PSSSF katika Maonesho ya Mkutano wa 11 wa Mwaka wa APS-HRMnet (11th APS-HRMnet Annual Conference Delegates) yaliyofanyika Zanzibar.

Akizungumza baada ya kupata maelezo kuhusu huduma zinazotolewa na Mfuko, Mhe. Othman alisema kuwa matumizi ya mifumo ya kidijitali yameleta urahisi mkubwa kwa wanachama.

Mhe. Othman, alimuwakilisha Rais wa Zanzibar, Dkt. Hussein Ali Mwinyi kufungua mkutano huo, katika Banda la PSSSF alipokelewa na Meneja wa PSSSF Ofisi ya Zanzibar, Bi. Mariam Saleh aliyemueleza namna Mfuko ulivyoendelea kuboresha utoaji wa huduma kwa kutumia ambapo sasa huduma zote zinapatikana kidijitali ili kuongeza ufanisi na kurahisisha upatikanaji wa huduma kwa wanachama.

Aidha, alielezwa kaulimbiu mpya ya Mfuko isemayo 'Tunalipa Jana', inayosisitiza dhamira ya PSSSF ya kuhakikisha wanachama wanapata mafao yao kwa wakati na kwa ufanisi zaidi ikiwemo kuimarisha mifumo ya usimamizi na ufuatiliaji wa michango ili kuwezesha ulipaji wa mafao kwa wakati.

Continue reading

Kajunason at 0

Na Mwandishi Wetu, Arusha

WAFANYABIASHARA 20 wa Kitanzania wanaoendesha biashara zinazolenga kukabiliana na athari za mabadiliko ya tabianchi wamechaguliwa kujiunga na awamu ya tatu ya programu ya AfroGreen, inayolenga kuwawezesha kukuza biashara zao, kuvutia uwekezaji na kuongeza fursa za ajira.,,

Programu hiyo ya miezi tisa inaendeshwa na Westerwelle Startup Haus Arusha (WSHA), kwa ufadhili wa Ubalozi wa Uswisi nchini Tanzania na Westerwelle Foundation ya Ujerumani, ikiwa ni sehemu ya juhudi za kuimarisha ujasiriamali na kukuza biashara zinazozingatia uhifadhi wa mazingira.

Kati ya biashara 20 zilizochaguliwa, nane sawa na asilimia 40 zinaongozwa na w³³¾anawake, huku 15 zikitoka Arusha na tano kutoka Dar es Salaam na Iringa.

Biashara hizo zinajihusisha na maeneo mbalimbali yakiwemo nishati jadidifu, uchumi mzunguko, kilimo kinachohimili mabadiliko ya tabianchi, kukabiliana na athari za tabianchi na minyororo endelevu ya thamani.

Akizungumza wakati wa uzinduzi wa awamu hiyo sambamba na maadhimisho ya miaka minne ya WSHA, Mkurugenzi wa Westerwelle Foundation Tanzania, Isaack Shayo, alisema programu hiyo ni sehemu ya mkakati wa taasisi hiyo wa kuwawezesha wajasiriamali kuvuka hatua za ukuaji na kuingia katika soko la uwekezaji.

Alisema tangu kuanzishwa kwa WSHA, mwaka 2022, taasisi hiyo imeendelea kuwaunganisha wajasiriamali wa Kitanzania na mitandao ya kimataifa, huku mahitaji ya biashara zinazokua yakichochea kuanzishwa kwa programu zinazolenga kuwaandaa kupata mitaji na fursa za kibiashara.

Shayo alisema mpango wa WSHA hadi mwaka 2030 umeweka msisitizo katika kuwaunganisha wajasiriamali na wawekezaji, kuwapatia fursa za kimataifa na kuimarisha ushirikiano na wafanyabiashara wa Arusha ili kupata ushauri na mitaji.

Aliongeza kuwa kupitia AfroGreen, washiriki watapata msaada wa kuimarisha mifumo ya biashara zao, kujiandaa kuvutia uwekezaji na kupima mchango wa shughuli zao katika kukabiliana na mabadiliko ya tabianchi.

Kwa hḥupande wake, Mkuu wa Kitengo cha Ajira na Kipato katika Ubalozi wa Uswisi nchini Tanzania, Andrea Inglin, alisema Serikali ya Uswisi imeendelea kuunga mkono programu hiyo kwa kutambua umuhimu wa mitaji, utaalamu wa kiufundi na mitandao ya kibiashara katika kukuza biashara zinazotoa suluhisho za changamoto za tabianchi.

Alisema mabadiliko ya tabianchi ni changamoto inayogusa maeneo mbalimbali ya maisha na uchumi, hivyo ni muhimu kuwawezesha wajasiriamali kupata rasilimali na maarifa yatakayowawezesha kuanzisha na kuendeleza suluhisho endelevu.

Takwimu zinaonesha kuwa awamu mbili zilizopita za AfroGreen zilisaidia biashara changa 30, kuchangia upatikanaji wa ajira 42 na kuvutia uwekezaji uliovuka Euro 132,000.

Katika awamu ya tatu, programu hiyo inalenga kusaidia biashara zote 20 kujiandaa kupata mitaji na kuongeza ajira zisizopungua 40, sambamba na kuvutia uwekezaji mpya.

Akizungumzia mchango wa programu hiyo, Afisa Vijana wa Halmashauri ya Jiji la Arusha, Evodius Cleophace, aliipongeza WSHA kwa kuunga mkono juhudi za Serikali za kuwawezesha vijana kiuchumi.

waliofikiwa.

Alisema programu kama AfroGreen zinasaidia kuwafikia wajasiriamali ambao huenda wasipate fursa za aina hiyo kupitia mifumo mingine ya uwezeshaji.

Aidha, alibainisha kuwa katika robo ya kwanza ya mwaka wa fedha 2026/27, Halmashauri ya Jiji la Arusha imetoa mikopo ya Sh bilioni mbili kwa vikundi vya vijana, wanawake na watu wenye ulemavu, ambapo vijana wamepatiwa Sh 578,702,420.

Alitaja kampuni ya Himan Investment, iliyoshiriki katika awamu iliyopita ya AfroGreen, kuwa miongoni mwa wanufaika wa fursa hizo baada ya kupata mkopo wa zaidi ya Sh milioni 130 kupitia Mfuko wa Maendeleo ya Vijana (YDF).

Naye mjumbe wa Bodi ya WSHA na mwanzilishi mwenza wa Obuntu Hub, Collins Kimaro, aliwahimiza washiriki wapya kutumia fursa hiyo kwa kujenga biashara imara na kuamini uwezo wao wa kufikia malengo makubwa.

Kwa upande wake, Mwanzilishi wa Innolif Aquaculture Group, Fortunatus Fungatwende, alisema ushiriki wao katika programu hiyo utawasaidia kuimarisha mifumo ya biashara na kuongeza uwezo wa kuvutia wawekezaji.

Alisema wanatarajia kupata maarifa, ujuzi na mahusiano ya kibiashara yatakayowawezesha kupata mitaji ya kupanua shughuli zao.

Washiriki wa AfroGreen 3.0 watanufaika na mafunzo ya biashara, ushauri wa kitaalamu na mwongozo wa kuandaa biashara zao kwa ajili ya uwekezaji, pamoja na kuunganishwa na mtandao wa wawekezaji binafsi.

Programu hiyo inatarajiwa kuhitimishwa Mei 28, 2027, kwa siku maalumu ya kuwasilisha mipango ya biashara kwa wawekezaji (Demo Day), ambapo washiriki watapata fursa ya kueleza biashara zao na kutafuta mitaji ya kuziendeleza.

Tangu kuanzishwa kwake mwaka 2022, WSHA imewafikia wajasiriamali 809, wakiwemo waanzilishi wa biashara changa 309, huku wanawake wakichangia asilimia 55 ya wote waliofikiwa.

Continue reading

Kajunason at 0
Kaimu Mkurugenzi wa M-Pesa Vodacom Tanzania Tulisindo Mlupilo (kushoto), Mkurugenzi wa Huduma za Kibenki kwa Wateja Binafsi wa ABSA Bank Ndabu Lilian Swere, (katikati) na Mkurugenzi wa Afropavo Limited Rwebu Mutahaba wakiwa katika picha ya pamoja wakati wa uzinduzi wa MCHEZO, huduma mpya ya kidijitali inayowawezesha Watanzania kusimamia vikundi vya upatu kupitia M-Pesa. Huduma hiyo imezinduliwa kupitia ushirikiano wa Vodacom Tanzania, ABSA Bank na Afropavo Limited, kwa lengo la kuimarisha uwazi, kurahisisha usimamizi wa michango na kuhakikisha wanachama wanapata taarifa za miamala ya vikundi vyao.
Kaimu Mkurugenzi wa M-Pesa wa Vodacom Tanzania, Tulisindo Mlupilo, akizungumza wakati wa uzinduzi wa M-PESA MCHEZO, huduma mpya ya kidijitali inayowawezesha Watanzania kusimamia vikundi vya upatu kupitia M-Pesa. Uzinduzi huo umefanyika leo Novemba 10, 2026, jijini Dar es Salaam, kwa ushirikiano wa Vodacom Tanzania, ABSA Bank na Afropavo Limited.
Meneja wa Huduma Mpya za Kifedha wa M-Pesa, Brenda Msola akielezea namna huduma mpya ya kidijitali ya M-PESA MCHEZO, inayowawezesha Watanzania kuanzisha na kusimamia vikundi vya upatu kupitia M-Pesa, inavyofanya kazi. Wateja wanaweza kujiunga kwa kupiga *150*00#, kuchagua Huduma za Kifedha kisha M-PESA MCHEZO na kuanzisha au kujiunga na vikundi, kuchangia fedha na kufuatilia michango pamoja na taarifa za miamala.
Kaimu Mkurugenzi wa M-Pesa wa Vodacom Tanzania, Tulisindo Mlupilo (wa nne kushoto), Mkurugenzi wa Huduma za Kibenki kwa Wateja Binafsi wa ABSA Bank, Ndabu Lilian Swere (wa tano kushoto) na Mkurugenzi wa Afropavo Limited, Rwebu Mutahaba (wa tano kulia), wakiwa katika picha ya pamoja na wadau kutoka kampuni hizo wakati wa uzinduzi wa MCHEZO, huduma mpya ya kidijitali inayowawezesha Watanzania kusimamia vikundi vya upatu kupitia M-Pesa. Uzinduzi huo umefanyika leo Novemba 10, 2026, kupitia ushirikiano wa Vodacom Tanzania, ABSA Bank na Afropavo Limited.
Baadhi ya Wafanyakazi wa Vodacom Tanzania Plc pamoja na watengenezaji wa maudhui, wakiongozwa na Kaimu Mkurugenzi wa M-Pesa, Tulisindo Mlupilo, wakiwa katika picha ya pamoja wakati wa uzinduzi wa MCHEZO, huduma mpya ya kidijitali inayowawezesha Watanzania kuanzisha na kusimamia vikundi vya upatu kupitia M-Pesa. Huduma hiyo inawawezesha wanachama kuanzisha au kujiunga na vikundi, kuchangia fedha na kufuatilia michango pamoja na taarifa za miamala ya vikundi vyao.
Continue reading

Kajunason at 0

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, anaondoka nchini leo tarehe 10 Novemba, 2026 kuelekea jijini Antalya, Uturuki, kwa ajili ya kushiriki Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31).

Akiwa Antalya, Rais Dkt. Samia atahutubia Mkutano wa Wakuu wa Nchi na Serikali (Antalya Leaders’ Summit), pamoja na kushiriki kikao cha ngazi ya juu kuhusu matumizi ya nishati safi ya kupikia barani Afrika (High-Level Event on Clean Cooking in Africa). Aidha, Rais Dkt. Samia atakutana kwa mazungumzo na mwenyeji wake, Mheshimiwa Recep Tayyip Erdoğan, Rais wa Jamhuri ya Uturuki.

Mkutano wa COP31 unaendelea nchini Uturuki, ukiwaleta pamoja nchi wanachama kujadili hatua za kupunguza na kukabiliana na athari za mabadiliko ya tabianchi.
Continue reading

Kajunason at 0

Na Mwandishi Wetu.

Waandishi wa Habari nchini wametakiwa kuhakikisha uhuru wa habari hautumiki kama mwanya wa kusambaza taarifa zisizothibitishwa, kukashifu au kuvunja utu wa watu, hususan katika kipindi hiki ambacho matumizi ya teknolojia ya Akili Unde (AI) yanaongeza kasi ya uzalishaji na usambazaji wa maudhui.

Wito huo umetolewa leo tarehe 9 Novemba, 2026, na Kaimu Mkurugenzi Mkuu wa Bodi ya Ithibati ya Waandishi wa Habari (JAB), Wakili Patrick Kipangula, wakati akizungumza na Waandishi wa Habari wa Azam Media katika siku ya kwanza ya mafunzo ya siku tatu kwa chombo hicho yaliyofanyika Ukumbi wa Mikutano wa Bodi, jijini Dar es Salaam.

Wakili Kipangula amesema uhuru wa habari una thamani unaposaidia jamii kupata ukweli, kufanya maamuzi sahihi na kuwawajibisha wenye mamlaka bila kukiuka sheria, maadili na haki za watu wengine.
“Uhuru wa habari si uwezo wa kusema kila kitu, bali ni hekima ya kutafuta ukweli, ujasiri wa kuusema na dhamira ya kuwajibika kwa kile kinachosemwa. Sheria huulinda uhuru, maadili huupa mwelekeo na weledi huupa thamani,” amesema Wakili Kipangula.

Aidha, amewataka Waandishi wa Habari kuifahamu na kuzingatia Sheria ya Huduma za Habari pamoja na sheria nyingine zinazogusa utekelezaji wa majukumu yao, ikiwemo Sheria ya Ulinzi wa Taarifa Binafsi.

Kwa upande wake, Dkt. Egbert Mkoko, akiwasilisha mada kuhusu maadili katika uandishi wa habari, amesema maamuzi ya kitaaluma yanapaswa kuzingatia maadili yanayokubalika katika jamii bila kwenda kinyume na sheria za nchi.
Ameeleza kuwa jambo linaweza kuonekana kuwa la kawaida au kukubalika katika jamii, lakini likawa na athari za kisheria, hivyo Waandishi wa Habari wanapaswa kupima kwa makini maslahi ya umma, haki za wahusika na madhara yanayoweza kusababishwa na taarifa kabla ya kuichapisha.

“Tunawasisitiza Waandishi wa Habari kuandika habari zinazozingatia maadili ya kitaaluma, lakini maadili hayo pia yaendane na sheria za nchi,” amesema Dkt. Mkoko.
Mafunzo hayo yanayowashirikisha  Waandishi wa Habari, waandaaji wa vipindi, Watangazaji wa Redio na Televisheni, Wapiga picha na Wahariri zaidi ya 90 ni sehemu ya jitihada za JAB za kuimarisha weledi, uwajibikaji na uzingatiaji wa sheria na maadili miongoni mwa Waandishi wa Habari nchini, ili kuhakikisha jamii inapata taarifa sahihi, salama na zenye manufaa.
Continue reading

Kajunason at 0
Wakazi takribani 1,000 wa Kitongoji cha Saburi, Kata ya Makuyuni, Wilaya ya Monduli, Arusha, wamemuomba Rais Dkt. Samia Suluhu Hassan kuingilia kati mgogoro wa ardhi kati yao na mwekezaji (Akram Aziz)  wakidai kuwa ardhi wanayoishi iko hatarini kuchukuliwa.

Kilio hicho kimekuja kufuatia ziara ya Mkuu wa Mkoa wa Arusha, Amos Makalla, aliyetoa maamuzi ya kuwapatia wananchi hao ekari 100, uamuzi ambao wameuelezea kutoridhishwa nao kabisa wakidai kuwa hawajapewa haki yao stahiki.

Akizungumza kwa niaba ya wakazi hao, Mariam Faustine amesema mgogoro ulifikia hatua ya mvutano Oktoba 2, mwaka huu, baada ya watu wasiojulikana kufika eneo hilo wakiwa na magreda , Silaha  kwa lengo la kubomoa nyumba za wananchi.

Wananchi hao wameeleza kusikitishwa na maelekezo ya Mkuu wa Mkoa ya kusitisha shughuli za maendeleo katika eneo hilo, wakisisitiza kuwa wameishi hapo kwa muda mrefu na zaidi ya Miaka 30 wanaamini kuwa wana haki ya kisheria ya kumiliki ardhi hiyo.

Naye Sara Alaisi amesema hawajaridhishwa na uamuzi wa kuwapatia ekari 100 pekee, huku wakimuomba Rais Samia kuingilia kati ili suala hilo lipatiwe suluhisho la haki.

Awali, RC Makalla alimtaka Mkuu wa Wilaya ya Monduli, Kamati ya Ulinzi na Usalama pamoja na Mkurugenzi wa Halmashauri kuhakikisha maamuzi yaliyotolewa yanatekelezwa.

Wananchi hao sasa wanaiomba Serikali kuu  kuangalia upya suala hilo ili kulinda haki zao na kuepusha uwezekano wa kupoteza makazi yao.
Continue reading

Kajunason at 0
Na Mwandishi Wetu.

MWENYEKITI wa Makampuni ya Mati Group of Companies Ltd, David Mulokozi, amechangia Sh milioni 100 kupitia kampuni ya Mati Super Brands Ltd pamoja na familia yake binafsi, kusaidia miradi ya maendeleo ya Jimbo Katoliki la Mbulu.

Mchango huo umetolewa katika harambee iliyofanyika ndani ya Dekania ya Babati, ikiwa ni sehemu ya maandalizi ya maadhimisho ya Jubilei ya Almasi ya miaka 75 tangu kuanzishwa kwa Jimbo Katoliki la Mbulu, ambapo Mulokozi alikuwa mgeni rasmi.

Akizungumza katika hafla hiyo, Mulokozi alisema mchango wake umetokana na imani yake kwa Mungu, akieleza kuwa kila alichonacho ni zawadi kutoka kwake na kwamba kuchangia maendeleo ya Kanisa na nyumba za ibada ni njia mojawapo ya kumshukuru Mungu.
Alisema kusaidia shughuli za maendeleo ya Kanisa kwake ni sehemu ya imani na nadhiri yake mbele za Mungu, huku akihimiza jamii kuendeleza utamaduni wa kujitolea kwa kuchangia miradi ya maendeleo kulingana na uwezo wa kila mmoja.

Aliongeza kuwa maendeleo ya taasisi za kidini yanahitaji ushirikiano wa waumini, wadau na watu wenye mapenzi mema, akisisitiza kuwa kila mchango unaotolewa kwa moyo wa kujitolea una nafasi muhimu katika kufanikisha malengo yaliyowekwa.

Akisoma taarifa ya harambee hiyo, Dekano wa Dekania ya Babati, Reginald Kimati, alisema jumla ya fedha zilizopatikana pamoja na ahadi zilizotolewa zimevuka Sh milioni 200 zilizolengwa kukusanywa katika dekania hiyo.

Alisema Jimbo Katoliki la Mbulu limeweka lengo la kukusanya Sh bilioni mbili kwa ajili ya kutekeleza miradi mbalimbali ya maendeleo, ikiwemo ujenzi wa hosteli za malazi, ukumbi, jukwaa la kudumu kwa ajili ya maadhimisho ya kijimbo pamoja na kuchangia ujenzi wa kituo cha kichungaji mjini Babati.
Kimati alisema kukamilika kwa miradi hiyo kutasaidia kuboresha mazingira ya huduma za kichungaji na kuongeza uwezo wa Kanisa kuhudumia waumini pamoja na wadau mbalimbali watakaoshiriki shughuli za kijimbo.

Kwa upande wake, Askofu wa Jimbo Katoliki la Mbulu, Mhashamu Anthony Lagwen, alimpongeza Mulokozi kwa mchango wake na moyo wa kujitolea, akisema hatua hiyo ni mfano mzuri wa ushirikiano katika kuendeleza miradi ya Kanisa.
Alisisitiza kuwa fedha zitakazokusanywa zitatumika kwa malengo yaliyokusudiwa ili kuhakikisha miradi iliyopangwa inatekelezwa na kuleta manufaa kwa Kanisa na waumini wake.

Aidha, aliwahimiza waumini na wadau wengine kuendelea kushiriki katika kuchangia miradi hiyo ili kufanikisha lengo la Sh bilioni mbili na kuhakikisha maandalizi ya maadhimisho hayo yanakamilika kwa wakati.
 Maadhimisho ya Jubilei ya Almasi ya miaka 75 ya Jimbo Katoliki la Mbulu yanatarajiwa kufanyika Machi 2028, yakikumbuka historia ya kuanzishwa kwa jimbo hilo Machi 25, 1953.

Fupisha habari kuwa ya gazetiBoresha kichwa kivutie zaidiAndika kwa mtindo wa habari fupi.
Continue reading
Subscribe to: Posts (Atom)